Meghalaya Governor atan RN Ravi lalut

Meghalaya Governor Tathagata Roy a chawlh avangin a chawlh chhunga lo hmui turin Naga­land Governor RN Ravi ruat a ni a, Nilaini khan Ravi hi Meghalaya Governor atan rinawmna thu tiamtira lakluh a ni. RN Ravi hi Raj Bha­van, Shillong-ah Megha­laya High Court chief jus­tice, Justice Mohammad Rafiq chuan  rinawmna thu a tiamtir a ni. 

Meghalaya-a Citizenship (Amend­ment) Act duh lohna lantira nawrh huaihawt laiin Tathagatha Roy hian CAA thlawp zawnga a twitter-a a thu­ziah avangin sawisel a tawk nasa hle. Roy chuan sakhaw thil vangin India ram chu a hma pawhin ṭhendarh a lo ni tawh tih sawiin, CAA duh lotute chu North Korea lama kal mai turin a ti a ni. A thuziah avang hian na taka sawisel niin,  bang tura nawrna pawh a nasa hle. Hei vang hian Tathagatha Roy chuan chawlh a la nia rin a ni.