Manipur : Pawl paliin PM hnenah memorandum theh lut

Delhi-a Manipur pawl pali, Delhi Meetei Co-ordinating Committee, Manipur Students Association Delhi, United Kakching Students leh Manipur Innovative Youth Organisation chuan April 7-a Bishnupur district-a Tronglaobi-a Kuki helpawl nia rinhlelhten bomb hmanga an beih avanga naupang pahnih thihna a thlen hnuah, prime minister Narendra Modi hnenah memorandum an theh lut. State sorkarin Kuki helpawl a thlawp nia sawi chu tihtawp a nih theihna atan a rang lama hma lak an phut thu an tarlang.