Tripura : BJP worker 200 chuangin chenna in chhuahsan

Tripura Tribal Areas Autonomous District Council (TTAADC) inthlan result puan a nih hnua buaina chhuakah BJP worker 200 chuangin an chenna in an chhuahsan nia sawi a ni. District hrang hrangah dawr leh party office 50 vel tihchhiat an nih bakah hal an ni tih an sawi bawk.

Party hruaitute zingah sports and youth affairs minister Tinku Roy, BJP general secretary Bipin Debbarma, leh transport and tourism minister Sushanta Chowdhury te chuan pawikhawihna thlenna hmunte chu tlawhin thil awmdan an zirchiang a, party worker an chenna in chhuahsante nen an inbe bawk a ni.

Minister Roy chuan BJP office, Madhupur ami chu suasam a ni a, an party candidate chenna in pawh beih a ni, a ti. BJP hruaitute chuan inbeihna hi Tipra Motha Party thlawptute thlen nia puhin, hmun dang emaw zatah hetiang thubuai hi theh luh a nih thu a sawi bawk. Chief minister Manik Saha chuan minister-te chu buaina chhuahna hmun tlawh turin leh, boruakin ziaawm lam a pan theihnan hma la turin a hriattir.