Hmarchhak state pathumah ruahtui tla hnem

Hmarchhak bial state pathum- Assam, Meghalaya leh Nagaland-ah kum dang aiin kuminah ruahtui a tla hnem. State pathum zingah hian Assam-ah ruahtui a tla hnem ber a, kum dang aiin 57% in a tla hnem tawh zawk a ni.

Indian Meteorological Department (IMD) in khawchin a tihchhuahah Assam-ah hian ni eng emaw chen ruah a sur chhunzawm dawn tih an tarlang. Guwahati-a Regional Meteorological Centre (RMC) chuan Assam-ah ruahtui mm 300.2 a tla tawh tih tarlangin, kum danga ruahtui tlak ṭhin dan aiin 57% in a tam tih an sawi. Meghalaya-ah pawh kum danga ruahtui tlak ṭhin aia tam a tla tawh a, mm 224.4 vel ni ṭhin chu kumin chhungin mm 283.8 a tla tawh bawk.

Nagaland-ah pawh kum danga tun ang huna ruahtui mm 135.4 vel tla ṭhin chu kuminah chuan mm 160.9 tla tawhin, 19% in ruah tlak tam zawng hi a pung a ni. Hmarchhak bial state dang - Arunachal Pradesh, Manipur, Mizoram leh Tripura-ahte erawh kumdang aiin ruahtui a tla tlem thung.