Assam : BJP candidate West Bengal-ah man

Assam-a Cachar district-a Barkhola-a BJP candidate, Kishor Nath chu voter-te hnenah pawisa a sem nia puh a nih avangin Nilaini zan khan West Bengal-a North 24 Parganas district-ah an man.

Nath hi BJP candidate Rekha Patra tana campaign turin Hingalganj-ah zinin, voter-te hnena Rs 5,000 a sem lai tualchhung mipuiten an hmu a, a lirthei hman nen tih din niin, hemi hnu hian Hingalganj Police Station-a police-te chuan an man zui a ni. An puhna chu Nath chuan thu belhchian dawl lo a nih thu sawiin, amah ṭawiawmtu BJP worker-in voter ni lo kirtan committee hnenah Rs 5,000 a pe tih a sawi. He thil thleng video hi social media-ah a darh chak hle a, Assam-a Barak Valley, a bik takin Cachar district-ah a darh nasa zual a ni.

He thil thleng hi a khingpui political party member-ten a hmingchhiatna tur leh thudik lo thehdarh turin an ruahman a ni tih Nath chuan a sawi. Buaina a chhuah tak avangin amah ngeiin police-te a hriattir tih a sawi bawk. Police-te chuan hemi chungchangah hian thuchhuah an la nei loa, chhuizuina an nei mek a ni.