Manipur : Churachandpur DM-in petrol leh diesel bur-a hralh khap

Manipur-a Churachandpur District Magistrate (DM) chuan, petrol leh diesel chu container, jerrycan leh plastic bottle hmanga hralh chhuah a khap. He khapna hi petrol leh diesel chhekkhawl, dan loa hralh leh hlauhthawnna avanga leikhawl tihtawpna tura duan a ni.

DM Dharun Kumar S chuan thupek hi tichhuakin, Essential Commodities Act, 1955 leh Bharatiya Nagarik Suraksha Sanhita (BNSS), 2023 Section 3 hnuaiah lirthei tank-ah direct-in pertrol leh diesel pek chhuah tur a ni tih a tarlang. He hmalakna hi petrol leh diesel chhekkhawl nasat avanga indaih lohna thleng thei venna tura tih a ni. Retail outlet zawng zawngte chu stock register nitina enfiah tura hriattir an ni a, mipui hnena petrol leh diesel dik leh felfai taka hralh chhuak tur leh, inthliar hranna awm loa hralh tura tih an ni.

DM chuan mipuite chu petrol leh a kaihhnawih product indaih lohna a thlen hlauhthawn avanga leikhawl lo tura chahin, district-ah fuel stock dinhmun a ṭhat thu a sawi bawk.