Meghalaya : CM-in West Garo Hills-ah lei leh kawng thawm ṭhat hawng

Meghalaya chief minister Conrad K Sangma chuan West Garo Hills-a Bugi lui chunga lei pawimawh tak dawh leh, inkalpawhna tihchakna tura kawng zauh hna thawh a hawng. Project hi Sonagre-Jijikapara road bridge siam ṭhat leh Kujikura-Dimapara kawng two-lane-a tihzauhte an ni.

He project hi mipui veivah tiawlsam tura ruahman a ni a, khaw hla leh tlawhpawh harsaa chengte zin veivah hun chhung tihtlemna tura tih a ni bawk. Metre 90-a thui lei hi World Bank-funded Meghalaya Integrated Transport Project (MITP) hnuaia dawh a ni a, West leh South Garo Hills inkalpawhna tur a ni. Project hi district pahniha khaw hrang hranga cheng mi 6,000 chuangin an chhawr ṭangkai thei dawn a ni.

Chief Minister chuan kawng infrastructure investment nasa takin a pung tih sawiin, sorkar laipui leh agency hrang hrang nen an thawh hona hnuaiah mipui khawsak chawikang turin infrastructure lian tham eng emaw zat thawh a ni tawh tih a sawi. Jijikapara-a kawng zauh hna thawh pawh veivah tiawlsam tura tih a nih thu a sawi bawk.

Thuneitute chuang hmasawnna tura hmalaknate hi state pumah hmaih bik awm loin kalpui a ni dawn tih an sawi. Infrastructure thar aṭanga hamṭhatna hmuh chhuah chhunzawm zel a nih theihna turin leh, district-a inkalpawhna tihchangtlunna atan scheme leh maintenance programme dang siam tum a nih thu an sawi bawk. Khawtlang hruaitute leh stakeholder-te nena thawh hona ṭha neih chhunzawm zel a pawimawh thu an tarlang.