Tripura-a Special Economic Zone hmasa ber tur puang

Union Ministry of Commerce and Industry chuan Tripura-a Special Economic Zone (SEZ) hmasa ber tur a puang. 

SEZ atan hian Paschim Jalefa, Sabroom, South Tripura District ami chu puan a ni a, hei hi state khawpui Agartala aṭanga km 130 vela hla a ni. He hmun hi Sector Specific Economic Zone for Agro-Based Food Processing ah hman a ni dawn a, SEZ-ah hian rubber based industry, textile and apparel industry, bamboo and agri-food processing industry te din a ni ang. He project atan hian cheng vaibelchhe 1550 vel ruahman niin, developer atan Tripura Industrial Development Corporation (TIDC) Ltd dah a nii.  SEZ aṭang hian skilled job 12,000 vel zet siam theih beisei a ni. 

Ministry thuchhuah chuan SEZ unit aṭanga thil siam, ramdanga thawnchhuahte chu Income Tax Act Section 10AA hnuaiah kum nga chhung chhiah laksak an ni dawn lo a, a bak kum nga dang chu chhiah 50% ngaihdam an ni bawk ang.