Assam : ASSEB in education system thlakna tur puang

Assam State School Education Board (ASSEB) chuan nimin khan state school education system siamṭhat a, kalphung thlak a ni dawn tih a puang. He thu hi Higher Secondary (HS) examination result a tihchhuah hnu lawkah a puang zui nghal a ni.

ASSEB chairman R.C. Jain chuan board chuan zirna kalpui ṭha lo school 49-te affiliation tihtawp sak a tum tih a sawi. Tuna an kalphung, vocational examination chu kumin aṭanga titawpin, skill-based education an kalpui tawh zawk dawn tih a sawi.

Board chuan HSLC examination-ah sorkar school 102 leh private school 207 te result a chhe hle tih sawiin, uluk zawkin heng zirna inte hi enzui an ni dawn tih a sawi.

Kum 2027 aṭang chuan higher secondary structure chu core stream pathum - Arts, Science leh Commerce ah kalpui a ni tawh ang. Subject pawh category pathumah siamren a ni ang a, Arts student chuan skill-based subject pakhat tal a thlan tel a ngai ang. Hei bakah stream tinah hian General Studies chu compulsory-ah dah vek a ni bawk ang. Board chuan zirna in hrang hrangte chu ruahmanna tur hi ṭha taka klapui turin a hriattir bawk a ni.