AP police-in JNU zirlai lakah FIR ziaklut

Arunachal Pradesh police crime branch chuan Jawaharlal Nehru University (JNU) zirlai, Shar­jeel Imam chu India ram aṭanga hmarchhak bial hnukdawk mai tura a sawi chungchangah a lakah FIR an ziaklut. 

DGP (Arunachal Pradesh) RP Upadhyay chuan he case hi special investigation team (SIT) in a chhui mek thu a sawi. 

Senior state police officer chuan January 13-a Shaheen Bagh-a Imam thusawi video clip, Assam leh hmarchhak state dang, Arunachal Pradesh pawh telin India ram aṭanga hnukdawk mai tura a tihna hi social media platform hrang hrang aṭangin an dawng tih a sawi a ni. Iman lakah hian IPC section 124(A), 153(A) leh 153(B) hnuaiah FIR ziahluh a ni, a ti. 

Arunachal Pradesh chief mi­nister Pema Khandu pawhin a twitter-ah Sharjeel Imam thusawi hi a dem thu sawiin, hetianga inhuatna thlen thei, India ram pumkhatna tichhe thei zawnga thusawi hi an ngaizam mai dawn lo tih a  sawi. 

Kar liam ta Inrinni khan Assam police pawhin Imam lakah hian thubuai an lo ziak lut tawh bawk. Assam ADGP( Law and Order) GP Singh chuan Iman awmna chin hriat tumin Delhi police-te pawh an bepawp tawh tih a sawi bawk.