Arunachal : Tualthattua puh intihhlum chungchangah police pahnih suspend

Arunachal Pradesh-a Namsai Police Station lock-up chhunga a nupui thattu nia puh, kum 35 mi a inawhhlum avangin police pahnih suspend an ni tih official-te chuan April 28 khan an sawi.

A nupui Pujamani Kharia thattu nia rinhlelh a nih avanga man, Mitthi Biru Kharia hi Assam-a Tinsukia district-a cheng niin, April 27 zan dar 10:15 vel khan lock-up chhunga a inawkhlum hmuh a ni. Official-te chuan April 26 khan FIR theh luh bawhzuiin Kharia hi custody-ah hruai a nih thu leh, court thuchhuak angin police custody-ah ni nga chhung hren tura tih a nih thu an tarlang.

Namsai police superintendent (in-charge) Thutan Jamba chuan Kharia chu sari hmangin a inkhaihlum tih a sawi. He thil thleng chungchangah hian police pahnih suspend an ni a, police station-a officer in charge lakah show-cause notice tihchhuah a ni bawk. Thubuai pawh ziah luh niin, he thil thlen chhan hi chhui chian a ni bawk ang. Thuneitute chuan police lock-up chu hman theih loha an khar bakah, chhuizuina an neih peng pakhat atan CCTV footage pawh endik mek a ni. Mitthi ruang hi post-mortem a nih hnuah a chhungte kutah hlan a ni.