Meghalaya : Private school leh college-a hnathawkte tan fund scheme puang

Meghalaya sorkar chuan private school leh college-a hnathawkte puihbawmna tura hmalakna lian, Centralized Provident Fund Scheme, 2026 a puang. He hmalakna hmang hian state puma non-government institution-a zirtirtu leh non-teaching staff 30,000 chuang chu sum lama puihna pek an ni ang.

Scheme-ah hian provident fund leh pension system hnuaiah category hrang hrang siam a ni. Chung zingah chuan deficit leh adhoc zirtittu, SSA leh RMSA, Hindi leh Science zirtirtu, pre-primary educator leh staff-te tana buatsaih pawh a tel. He hmalakna hnuaiah hian sorkar chuan education sector-ah langtlang, rintlak leh ngelnghet zawkin puihbawmna a kalpui dawn a ni.

He scheme hi kalpui ṭan ni tawhin, district hrang hrangah permanent retirement account numbers (PRANs) hawn a ni. Hnathawk tam tak chuan he hmalakna hi lawmawm an tih thu an sawi laiin, staff ṭhenkhat, dificit institution-a hnathawkte chuan an sawisel thung. State sorkar chuan scheme hi ennawn turin Meghalaya High Court-ah a theh lut tawh a ni. Court thutlukna nghah a nih laiin Education Department chuan lungawi lohna awm leh chinfel dan ngaihtuah turin vawiin hian meeting an nei dawn. State sorkar chuan stakeholder zawng zawngten an chhawr ṭangkai theihna turin hma a la dawn tih a tarlang. Provident fund scheme chu dik leh langtlang takin kalpui a ni dawn a, hnathawk zawng zawng hmaih bik awm loin sum lama ṭanpuina hi pek an ni dawn tih an sawi bawk.