Assembly inthlan neih leh hmain NRC kalpui a ni ang : Manipur CM

Manipur chief minister N Biren Singh chuan state assembly inthlan neih leh hmain Manipur-a National Register of Citizen (NRC) kalpui a ni dawn tih sawiin, hemi atan hian sorkar laipui pawmpuina nghah mek a ni, a ti. CM chuan sorkar laipuiin NRC kalpuina tur hi a rawn pawmsak hunah, a kum nghah chhan tur (base year) chu la sawiho leh tur a nih thu a sawi. 

"State cabinet chuan hemi chungchang hi a thuphungin an lo sawiho tawh a ni. NRC kalpui a nih lai hian state ramri-a entry point hrang hrangte uluk taka vil turin state-level monitoring committee din a ni ang," tiin CM chuan a sawi bawk. He committee hian mipuite hnenah NRC chungchang hrilhfiahin, Manipur leilung fate tana a ṭhatna turte pawh an hrilhfiah dawn a ni, a ti. 

Singh chuan kum 2017 aṭang khan hmun dang aṭanga an state-a dan loa luh tum mi 3669 chu lo dan an ni tawh tih a sawi bawk.