Assam: Himanta Biswa Sarma-a'n CM aṭanga banna theh lut

Assam chief minister Himanta Biswa Sarma chuan, sorkar thar din tura kawng hawnna atan governor Lakshman Prasad Acharya hnenah Chief Minister a nihna aṭanga banna a theh lut tih official-te chuan nimin Nilaini khan an sawi. Governor hian sorkar thar din a nihna turin hma a la ṭan nghal dawn a ni.

BJP kaihhruai National Democratic Alliance (NDA) chuan Assam-ah a zawnin term thumna atan sorkarna an siam leh dawn a, seat 126 aṭangin seat 102 an la a ni. BJP bikin seat 82 an la a, an thawhpui Asom Gana Parishad leh Bodoland Peoples Front-te chuan seat 10 ve ve an la bawk.

Himanta Biswa Sarma chu BJP legislature party hruaitu atan thlan nawn leh a nih rin a ni a, a zawna a term thumna atan Assam chief minister a ni leh dawn a ni. BJP legislature party meeting hi central observer J. P. Nadda leh Baijayant Panda-te kaihhruaina hnuaiah neih a ni dawn a, hruaitu tur an thlang dawn a ni.

Sarma chuan eptu party zingah seat la tam ber, Indian National Congress-in seat 19 la mah se, Leader of the Opposition chelh tura seat 22 mamawh chu an phak lo tih a sawi.