Meghalaya : Assam ramri leh a chhehvelah security force dah belh dawn

Meghalaya deputy chief minister Sniawbhalang Dhar chuan Nilaini khan West Jaintia Hills-a Lapangap khuaa loneitute leh activist-te hmuin, Assam nen an inrina huam chhunga buaina chhuak avanga loneituten harsatna an tawh sukiang turin security force dah belh a ni dawn tih a hrilh.

Dhar chuan khaw aiawha state secretariat lam pana lungawi lohna kawngzawhte chu sorkarin a pui dawn tih a tiam bawk. Meeting hlawhtling tak an neih thu leh, remna leh muanna a awm a, an lo neih hna an chhunzawm leh theihna turin sorkarin theihtawpin hma a la dawn tih a sawi. Meeting-ah hian ramria buaina ni loin, khaw mite himna leh an nitin nuna harsatna an tawh lohna tur an sawi ho a ni. Loneitute chuan thlai chin chhunzawm thei loin harsatna an tawk tih complaint an theh lut tih Dhar chuan sawiin, Lapangap khaw mipui leh NGO-ten an hmuh thu a sawi.

Hemi chungchangah hian Dhar chuan nimin Ningani aṭang khan security force dah belh an nih thu a sawi bawk. District pahniha Deputy Commissioner-te pawhin meeting an nei tawh a, inbiakna an neih chhunzawm beisei a ni. Khaw mipuite chuan sorkarin a chhan danah 95% in an lungawi tih tarlangin, venhimna chak zawka kalpui an phut bawk a ni.