Assam CM-in in sakna tur Rs vbc 29 sem

Assam chief minister Sarbananda Sonowal chuan Pradhan Mantri Awas Yojana (Urban) hnuaia in sakna turin a thawh khatna atan cheng vaibelchhe 29 chu beneficiary-te hnenah a semchhuak. Assam sorkar  hian PMAY(U) hnuaiah hian chenna in 2,643 sak a tum a ni. 

In sakna tur sum hi urban local body hrang hrang hnuaia a dawngtu turte hnenah CM hian a hlan. CM chuan PMAY (U) chu prime minister Narendra Modi-a'n kum 2022-a chhungkaw tin ten chenna in an neih theihna tura hmathlir a lo neih tihhlawhtlinna tur a nih thu a sawi. Sorkar hmasa khan mi reitheite in sak sakna tur, Indira Awaas Yojna chu lo siam tawh mah se, he scheme kalpuina kawngah hian eirukna a hluar em avangin tihhlawhtling theih lohin a awm phah tih a sawi. PMAY (U) erawh chu hlawltling taka kalpui a ni dawn tih a sawi nghal a ni.