Assam-ah saiin mi panga tihlum
Assam-a Goalpara district-ah sai thinrimin mi panga a tihlum.
Forest official-te chuan Nilaini khan nunna chan zingah hian hmeichhia pathum leh kum tling lo pakhat an tel tih an sawi. Sai, 'Laden' tih an vuah hi Koinakuchi ramhnuaiah a la awm a, 'tranquilise' tumin an veh mek a ni. Thawhlehni pawh khan putar kum 70 mi a chilhlum bakah Bataitari thingtlang khuaah naupang a hliam bawk a, hemi hnu hian Santipurnigam-ah naupang kum 11 mi a tihlum zui. Hmeichhe pathum- Paschim Matia, Hidhabari leh Hahsorabri thingtlang khuaah Thawhlehni zan khan a tihlum leh bawk.
CM Sarbananda Sonowal chuan mitthi chhungte hnenah hian zángnadawmna cheng nuai li ṭheuh pek an ni dawn tih a sawi. Goalpara forest division chuan thuneitu sang zawk hnenah he sai hi 'sai sual' a puan an phut. Kum tlemte kal ta chhung kha sai sual vangin mi 50 vel an thi tawh tih forest official-te chuan an sawi bawk.