Union Minister-in Meghalaya tlawh dawn

Union minister for youth affairs and sports, Dr Mansukh Mandaviya chuan vawiin hian ni thum cham turin Meghalaya a tlawh dawn. A cham chhung hian kumina 39th National Games neih tura inbuatsaihna thlirletna a nei dawn a, sports infrastructure project leh, state-a central scheme kalpui dan a endik bawk ang.

Minister hi May 31 thleng Shillong-ah meeting leh programme hrang hrangah a tel dawn a, May 30-ah state chief minister Conrad K Sangma nen Rs vbc 132.9 senga sak Integrated Multipurpose Indoor Sports Complex, Shillong-ah an hawng ang. He facility-ah hian basketball, badminton leh volleyball a khelh theih dawn bakah, National Games neih turah pawh hman a ni ang. Complex-ah hian multipurpose hall, auditorium leh banquet facility-te pawh dah tel a ni.

Mandaviya-a'n state a tlawh chhung hian 39th National Games atan Host State Contract chu Indian Olympic Association leh official-te hriatpuinain a sign dawn a ni. Hei bakah National Games inbuatsaihna atan high-level review meeting a kaihruai dawn bawk a, he hunah hian Meghalaya-a official leh hmarchhak bial state danga mi pawimawhte pawh an tel dawn niin an sawi.

Union Minister hian Umsawli Sports Complex bakah aquatic leh tennis facility-te a tlawh beisei a ni a, sports infrastructure huang zauhna leh hmasawnna hnathawh mekte a endik bawk ang. Infiamna lam bakah Mandaviya hian Ri-Bhoi district hnuaia Poorvottar Setu hmalaknaa central scheme kalpui dan chu May 31 hian a endik dawn bawk.