Assam CM-in GIFF hawng
Assam chief minister Sarbananda Sonowal chuan Ningani khan Guwahati-a Srimanta Sankardev Kalakshetra-ah Guwahati International Film Festival (GIFF) vawi thumna a hawng.
GIFF hi Jyoti Chitraban leh Dr. Bhupen Hazarika Regional Film and Television Institute thawkdunin an buatsaih a ni. Ni sarih awh tur, film festival-ah hian ram hrang hrang 65 te film 100 chuang chhuah tum a ni.
Festival hawngtu, CM Sonowal chuan film hian ram hrang hrangte chu inpawh takin a siam thei a ni tiin, GIFF chuan an state chhunga ṭhangthar zawkte film siamna kawngah a chawhphur hle a beisei tih a sawi. Film siamtute pawh an state chhunga film-te chang a, an state mawina leh theihna neihte phochhuah sak tur a sawm nghal bawk.