Tripura High Court-in CPI-M hruaitu bail dilna a hnawl
Tripura High Court chuan eiruk thubuaia man, Communist Party of India-Marxist hruaitu hlun leh minister hlui Badal Choudhury bail dilna chu Ningani khan a hnawlsak.
Police-ten Choudhury hi Nilaini khan an hreng a, court-in a bail dilna a hnawlsak tak vangin thu an zawtfiah zui ang. CPI-M central committee member, Choudhury hian October 16-a West Tripura district and sessions court-in anticipatory bail dilna a hnawlsak hnuah, October 18 khan High Court-ah bail dilna hi a hnawlsak leh a ni.
Choudhury hi minister a nih laia PWD project sum tihchingpen kaihhnawihah thubuai siamsak a ni. Bail a dilna hnawlsak a nih hnuah police-ten man tumin an zawng nghal a, an man mai thei loh avangin Tripura sorkar chuan police officer pakua zet a hrem phah. Damdawiina kalpui a nih laiin police-te hian an man ta a ni.
CPI-M politburo chuan police-ten Choudhury an enkawl dan chu sawselin, private hospital-a enkawl a nih lai lachhuakin lockup-ah an dah tih an sawi. Damdawiin aṭanga lakchhuah a nih hnu hian awmna leh thawk lama harsatna a neih nghal thu an sawi bawk. Hemi hnu hian doctor-te chuan damdawiina dah lut leh nghal turin an ti a, sorkar damdawiinah kalpuiin intensive care unit-ah enkawl zui leh nghal a nih thu an sawi.