Meghalaya : UCC-in nghawng a neih theih dan zirchiang

Meghalaya chief minister Conrad K Sangma chuan an ṭhenawm state, Assam Assembly-in Union Civil Code (UCC) a pawm hnuah, a kaihhruai sorkar chuan UCC chungchanga thutlukna siam hmain nghawng a neih theih dante a zirchiang mek phawt tih a sawi.

Chanchin thar lakhawmtute a kawmnaah, CM Sangma chuan “Uniform Civil Code” tih ringawt pawh chuan mipuiah zawhna tam tak a siam tih sawiin, sawi dan hrang hrang pawh a tam a ni, a ti. Meghalaya chuan tribal custom, indigenous law, an state danglam bikna matrilineal social structure venhim chu a ngaih pawimawh ber a ni tih sawiin, a tirah pawh UCC hian tribal te tihdanphung leh dante a kalh dawn nia ngaih a nih vanga dodal an nih thu a sawi. Mahse, Assam leh Uttarakhand-a dan an siamte uluk taka an zirchian hnuah, UCC hi tribal nunphung leh an hnam dante an huam tel tir lo tih hriat a ni, a ti.

UCC chu tribal-te dikna chanvo humhalh sak zawngin he dan hi siamrem theih a ni a, hemi rual hian Meghalaya sorkar chuan uluk takin a zirchiang zel phawt dawn tih CM chuan a sawi a ni.