Meghalaya : High-altitude training centre atan Rs vbc 150 dawng dawn

Union Sports minister Mansukh Mandaviya chuan May 30-a Shillong-a review meeting neihah, Meghalaya chuan High-Altitude Training Centre atan Rs vbc 150 a dawng dawn tih a puang. Meeting-ah hian State for Youth Affairs and Sports minister Raksha Khadse, Indian Olympic Association president PT Usha, Meghalaya sports minister Wailadmiki Shylla leh hmarchhak biala sports official pariatte an tel.

He thu hi nakkuma Meghalaya-in 39th National Games atana inbuatsaihna an kalpui dan thlirletna neihah puan a ni. State pawh a inpeih thawkhat tawh tih sawiin, multi-sport inelna standard thar tam tak hmuh tur a awm dawn tih a sawi. Inelna neihna hmun tur tihhmasawn, infrastructure project leh a pumpuia inbuatsaihnate chu meeting-ah hian sawilan a ni. Official-te chuan project zawhfel hun tur leh National Games thlen hmaa ngaih pawimawh tur dangte pawh an tarlang bawk a ni.

Mandaviya chuan National Games chu infiammiten an taksa tihchakna tura damdawi hman phal loh an hman ṭhin hlauhawmzia inzirtirna na hun tur a nih thu leh, thuneitute chu hemi kawnga infiammite zirtirna pe turin a ngen. Union Sports Minister hian Shillong-a multipurpose integrated sports indoor hall a hawng bawk a, helai biala infiamna tihmasawn tura sorkar laipui hmalaknate a tarlang bawk.