Doordarshan-in hmarchhak tan channel thar pe chhuak dawn

Union Minister Venkaiah Naidu chuan hmarchhak state tan Doordarshan chuan channel thar 'Arun Prabha' a pe chhuak dawn tih Inrinni khan a sawi.

Channel thar hi nakkum January aṭanga tihchhuah tur a ni a, hmarchhak leilung mawi-na, culture danglam takte tihchhuah ṭhin a ni ang. Minis-ter for Information and Broadcas-ting chuan he thu hi 28th State Information Ministers Conference, Vigyan Bhawan-a neihah a tarlang. Hmarchhak state-te tan sorkar laipui chuan community radio station din nan 90% subsidy a pe dawn a, state dang zawng chu 75% pek an ni dawn tih tarlan a ni bawk.

Naidu chuan 'Arun Prabha' tihchhuah a nih tur thu hi Natio-nal Film Awards semnaah a sawi chhuak a, Most Film Friendly State Award buatsaih a nih tur thu leh, award hian cheng vaibelchhe khat a ken tel tur thu a sawi a ni.