Assam sorkarin Tea Garden Area-ah school 300 din dawn

Assam education minister Dr Himanta Biswa Sarma chuan Zir-tawpni khan tea garden area-ah school 300 din a nih tur thu a puang.

Minister Sarma chuan tea garden arae-ah hian km 1 dan zelah primary school din a nih tur thu sawiin, high school leh higher secondary school ṭhahnem tak din a ni dawn a ni, a ti. Tea garden area-a chengte hmasawnna chu state sorkarin a ngai pawimawh tih sawiin, kawng hrang hrangin hmasawnna hna a thawk mek a, hmasawnna chu hmun khatah sawrbing theih a ni lo a, mi zawng zawng huam phak a ni tur a ni, a ti. Tea garden area-a chengte chuan kawng hrang hrangah hmasawnna an mamawh tih sawiin, zirna-in tam tak din a ni tur hian nasa takin hmasawnna a thlen ngei a beisei tih a sawi.

State sorkarin policy a neihsa behchhanin hmeichhiate chu maternity leave pek an ni dawn tih sawiin, leave an lak chhung hian hlawh cheng 2,000 pek tura rua-hman a ni, a ti. Sorkar chuan tea garden area chawikanna turin ruahmanna a kalpui mek tih sawi-in, deputy commissioner-te chu January 15, 2017 hmaa hmasawnna report
ṭhenkhat report tura hriattir an ni.