Nagaland Governor-in Vision Document 2030 tlangzarh

Hornbill festival 2016 chu kar kalta Inrinni khan Kisam-ah khar a ni a, kharna inkhawm hmanpuitu Nagaland Governor PB Acharya chuan 'Nagaland Vision Document 2030' a tlangzarh.

Nagaland Governor Acharya chuan, Vision Nagaland 2030 chu Na-galand-in kawng hrang hranga hma a sawn theih nana duan a ni, a ti. Governor chuan state eco-nomy chawikanna turin agriculture leh commercial lamah ṭan lak a ngai tih sawiin, small-scale indus-try thlenga hma lak a ngai a, chu mi tihlawhtling tur chuan Vision Document 2030 duan a ni, a ti. Hemi tihlawhtling tur hian state mipuite chu sorkar hmalakna thlawp turin a ngen. Nagaland chuan tourism tih hmasawnna turin hmun hma a neih ṭhat thu leh, state economy chawikan zelna atan hemi lamah hian hma lak a ni dawn a ni, a ti.

Chief Minister TR Zeliang pawhin Vision Document 2030 tlangzarh a ni ta chu lawmawm a tih thu sawiin, an tum ram an thlen theihna tura thawhpuiah mipuite a sawm. Nagaland chuan kawng hrang hrangah hma a sawn chho mek zel a, nasa zawka hmasawnna a ṭhan theihna turin Vision Document 2030 chu buatsaih a ni, tiin a sawi.

Hornbill festival 2016 hi Decmber 1 aṭang khan ṭan a ni a, ni 10 chhung neih a ni. Festival chhim tur hian ram chhung hmun hrang hrang aṭangin mi sing tel an fuan khawm a, ram pawn aṭang pawhin chhimtu mi ṭhahnem tak an awm. Hornbill festival hi hmarchhak mai ni lo India ram huap pawha festival ngaihhlut leh lar ber pawl a ni chho mek.