CJNCSD-te'n darkar 48 awh nawrh huaihawt

Committee for Joint Naga Civil Societies, Delhi (CJNCSD)-te chuan nizan zanlai aṭang khan nawrh an huaihawt ṭan a, darkar 48 a awh ang.

CJNCSD-te chuan UNC hruai-tu pahnih police-te'n an hren mek chhuah an phutna leh, Manipur cabinet-in district thar pasarih din tura thutlukna a siam duhlohna lantira huaihawt an nih thu an sawi. Jiribam, Kangpokpi, Tengnoupal, Pherzawl, Kakching, Noney leh Kamjong-te chu district-ah hlang-kai lo turin sorkar an ngen tih sawiin, cabinet thutlukna siam tawh sut leh an phut thu an sawi. Naga mipuite harsatna siam zawnga state sorkarin hmalakna a kalpui ṭhin chu an dem thu sawiin, tawpsan turin an duh tak zet tih an tarlang.

Hetih lai hian Zeliangrong United Front (ZUF)-te chuan Manipur sorkarin district thar a din tur zinga Kangpokpi leh Noney (Longmai) a telh chu an hriatthiam loh thu an lo sawi ve bawk. ZUF Information & Publicity Secre-tary A. Longmei chuan, sorkar hma-lakna chu awmze nei lo leh, ṭul loa buaina siamna mai a ni tih a sawi. District thar din tumna hi politics thil vang mai a ni a, Assembly Election lo awmtura Congress party hamṭhatna zawnna mai a ni, a ti. Zeliangrong United Front (ZUF) chuan thil diklo chu an do zel dawn tih a sawi bawk.