Nagaland : Sorkar official 6,000 chuangin Census 2027 buaipui dawn

Nagaland-a sorkar official 6,000 chuangte chuan Census 2027 an buaipui dawn a, state pumah thawh hniha neih a ni ang. Thawhkhatnaah hian June 16 aṭanga June 30 thleng houselisting leh online-self-enumeration neih a ni dawn a ni. Hemi hnuah self-enumerate data endikna leh chhungkaw physical enumeration neih a ni ang.

Thawhhnihna hi nakkum February thlaa neih tura ruahman a ni a, population enumeration neih tur niin, hemi hun chhung hian state puma demographic data lakkhawm a ni dawn a ni. Nagaland-a Directorate of Census Operations chuan Census 2027 hlawhtling taka kalpui a nih theihna turin mipui thawhpuina ṭha an ngen bawk a ni. Census 2027 inbuatsaihna kaihhnawihah, state chuan district 17-a field trainer-te training pek an zo fel tawh bawk.

State puma field trainer 130-te chu ni thum awh residential training programme batch li neihpui an ni. Hemi hnuah field trainer-te chuan kumin June thla chhungin state pumah census supervisor leh enumerator-te hnenah training an pe dawn a, sub-division, municipality leh khaw 157-ah training an pe dawn a ni.

Training programme hi May 20 leh May 29 inkar khan Dimapur, Mokokchung, Kohima leh Phek district-a Deputy Commissioner-te kaihhruainaa buatsaih a ni. Official-te chuan training programme-ah hian 100% an tel tih sawiin, ram pum huapa census neih tura state inbuatsaihnaah a pawimawh hle tih an sawi.