Assam sorkar-in ST zirlai tan Pre-Matric scho tipung dawn

Assam sorkar chuan Schedule Tribes (ST) zirlaite tana pre-matriculation scholarship pek ṭhin chu tihpun a nih tur thu Thawhlehni khan a puang.

Chief Minister Sarbananda Sonowal-a kaihhruainain Plain Tribe Welfare leh Backward Classes department-te chuan meeting an nei a, thutlukna hi siam a ni ta a ni. Sonowal chuan rural area-a cheng zirlai zingah talent nei ṭha tak tak an awm ṭhin thu sawiin, heng mite kaihruai tur hian Development Boards-te chu chak zawka hma la tura a duh thu a sawi. A bikin sport lama talent nei ṭha te zawng chhuak turin Sports and Youth Welfare department chu ngen a ni a ti a, naupangte training mumal tak pek chu state sorkarin a tum ber a ni, a ti.

Assam CM chuan Plain Tribes Welfare leh Backward Classes department-te chu SC zirlai 1,000 tana vocational training buatsaih a nih theih nana thawhpuiah a sawm. Zirlai, a bikin Scheduled Tribe te tan sorkar chuan nasa takin hma a la mek tih sawiin, zirna sang zawk an zawm theihna turin scholarship pek ṭhin pawh tih san a ni, a ti bawk.