Meghalaya : NPP Annual General Meeting-ah CM tel

Meghalaya chief minister Conrad K Sangma chu Thawhlehnia New Shillong-a Mawkasiang-a National People's Party (NPP) Annual General Meeting-ah a tel. Meeting-ah hian party hruaitute nen state leh ram chhunga harsatna hrang hrangte sawi ho a ni. He huna thu a sawiah, CM Sangma chuan NPP hruaitute nen meeting an nei thei chu lawmawm a tih thu leh, mipui rawngbawl tura party inpeknate a sawilang bawk.

Meeting-ah hian leilung fate dikna chanvo humhalh leh, hmarchhak biala remna leh muanna chawikan bakah ram puma party huang zauh theih dan turte sawi ho a ni. He hunah hian Meghalaya, Manipur leh Nagaland-a party hruaitu, office bearer-te leh legislator-te pawh an tel. Sawi hona pawimawh an neih zingah, Foreign Contribution Regulation Act (FCRA) chu a hun taka langtlang taka kalpui a nih theihna tura hmalak pawh an rel tel.

CM Sangma chuan hmarchhak bial tihhmasawn chu ram leh hman tundinna atan a pawimawh thu a sawi. An party chuan ṭhalaite leh hmeichhiate chawikan kawngah theihtawpin hma an la tih an tarlang bawk. Meeting-ah hian Meghalaya-a Lok Sabha inthlan, Garo Hills Autonomous District Council inthlan leh, Manipur assembly inthlan neih tura inbuatsaihna endik a ni bawk. He hunah hian state 14 aia tam aṭangin party hruaitute an tel a ni.