Nakkumah hmarchhak bial hmun tam zawk aṭangin AFSPA hlih a ni dawn: Amit Shah

Union home minister Amit Shah chuan June 11 khan sawisel hlawh tak, sipai hnena thuneihna sang pekna, Armed Forces (Special Powers) Act (AFSPA) chu nakkum lamah chuan hmarchhak bial zawng zawng deuhthaw aṭangin hlih a nih a rin thu a sawi. Sorkar laipui leh Assam leh Nagaland sorkar inkara ramria buaina awm mekna hmun aṭanga mineral oil zawn chhuahna atana Memorandum of Understanding (MoU) an ziah hnua thu a sawiah, Shah chuan AFSPA chu hmarchhak biala state pakhat emaw pahnihah emaw chauh hman chhunzawm zel a nih a rin thu a sawi.