Meghalaya : Union Minister-in Shillong tlawh dawn

Road Transport and Highways union minister, Nitin Gadkari chuan June 15 hian Shillong a tlawh dawn a, infrastructure summit-a a tel dawn bakah, hmarchhak bial inkalpawhna tihchangtlunna tur national highway project hrang hrang a hawng dawn a ni.

Gadkari hi North East India Infrastructure Summit and Exhibition (NEIINFRA)-a CEO Round Table-ah a tel dawn a, he Summit-ah hian policymaker, industry hruaitute leh investor-te chuan helai biala infrastructure tihhmasawn leh investment neih theihna tur kawng hrang hrang an sawi ho dawn a ni. Summit-ah hian sector hrang hrang zingah kawng leh highway, transport leh logistic, urban infrastructure, tourism, energy, digital connectivity leh hmasawnna ngelnghet awm theihna tur ngaih pawimawh a ni ang.Summit buatsaihtute chuan hmarchhak bial chu infrastructure investment atana hmun pawimawh takah dah an tum.

Union Minister hian Shillong Polo Ground-ah national highway project eng emaw zat lungphum a phum dawn bawk. Official-te chuan project-te chu state chhunga inkalpawhna thuam chakna tur leh, hmarchhak biala inkalpawhna tihchangtlunna tur a ni, an ti.

Highway tihhmasawnna tura ruahmanna chuan zin veivah hun chhung a titlem dawn a, bungrua leh passenger-te veivahna a tih awlsam dawn bakah hmun hla leh tlawhpawh harsaa chengten an chhawr ṭangkai dawn a ni. Project hian sumdawnna, tourism leh eizawnna hrang hrangah puihbawmna a pe dawn a ni.