Meghalaya : Shillong Medical College thuam chak turin sorkar laipui ngen

Meghalaya sorkar chuan Union Health Ministry leh Parliamentary Consultative Committee chu, Shillong Medical College and Hospital din tur chak zawka kalpui a nih theihna atan infrastructure fund pawimawh tichhuak turin a ngen.

Health minister Wailadmiki Shylla chuan, medical college sakna tura brownfield development layout atana thil pawimawh kimchang chu sorkar laipui ngaihtuah tura theh luh a ni tawh tih a sawi. State sorkar chuan administrative block, zirlaite hostel leh laboratory facility changtlung siamna atan sum lama puihna a mamawh a, thla 12 chhunga tihfel tura ruahman a ni. Shylla chuan Shillong facility chu hawn a nih thuai theihna turin state administration chuan prime minister Narendra Modi office aṭanga nemnghehna an nghah thu a sawi bawk.

Shillong-a project thawh tur hi bawhzui mek a nih rualin, Tura Medical College chu an peihfel dawn hnai tawh nia sawi a ni. Hnathawh hi 90% zawhfel a ni tawh a, mahse helai hmuna thawk tura dilna theh lut an tlem avangin medical professor leh, teaching staff tur chungchangah harsatna an tawk tih Minister chuan a sawi. Hei bakah state sorkar chuan sorkar laipui chu, North Eastern Indira Gandhi Regional Institute of Health and Medical Sciences (NEIGRIHMS) chu Institute of National Importance (INI) status pe turin an ngen bawk a ni.