Arunachal: Indian Army leh Bharti Airtel-in MoU ziak

Indian Army leh Bharti Pvt. Ltd chuan communication infrastructure huang zauhna atan leh, Arunachal Pradesh-a Kameng district-a hmun hla leh tlawh pawh harsaa chengte tana mobile hmanga inbiakpawhna ṭha a awm theihna turin Memorandum of Understanding (MoU) an ziak.

He hmalakna hmang hian kum 10 chuang mobile hmanga biak pawh theih loha awm tawhte hnenah mobile hmanga inbiak pawhna rintlak siamsak tum a ni. Digital lama inthlauhna awmte tihtawp a nih dawn avangin he project hian sorkar service, digital education, healthcare, financial inclusion leh communication facility-te awlsam zawkin an nei thei dawn a, tualchhung mipuite khawsak chawikan a ni ang.

Inbiak pawhna tihchangtlun chuan tourism a chawikang dawn a, economy ṭhanlenna kawngah hun remchang a siam dawn bakah, helai bialah hian socio-economy a tihmasawn dawn bawk a ni. Communication infrastructure thuam ṭhat chuan ramria chengte chu ram pum huapin inbiak pawhna a ti chak dawn a ni. Venhimna kawngah network infrastructure thuam chak chuan Indian Army-te hnathawhah a pui dawn a, mipui leh military stakeholder-te inkarah thawh hona ṭha a siam dawn bawk a ni.