Assam NRC official hlui lakah FIR thehlut

Assam-a National Regis­tration of Citizens (NRC) final list chu official website-a tarlan a nih hnuah website aṭang hian data-te hmuh theih lohin a bo leh vek a, hei vang hian NRC official hlui lakah FIR thehlut a ni. 

NRC state coordinator Hitesh Dev Sarma chuan complaint hi NRC project officer hlui lakah thehluh a ni tih sawiin, a hna a bansan hma hian heng document-te dahluhna atana password siam chu a thehlut tel lo tih a sawi. 

Sarma chuan, "He officer hi nikum November 11 khan a hna aṭang hian a bang a, contract-a chhawr a nih avangin a ban hnuah password hi a kawl chhunzawm thei tawh lo a ni. Hemi chungchang hi ziaka hriattir nawn leh a nih hnuah pawh a thehlut chuang lo a, hei vang hian Official Secrets Act bawhchhiaa puhin a lakah FIR thehluh a ni ta a ni," a ti. 

Nikum December 15 

aṭang khan NRC official website 

aṭang­in data-te hi an bo a, January thla khan state coordination committee chuan cloud service petu, IT major Wipro hnenah pawh ngenna an siam tawh a, data te pawh hmuh theih tura an rawn siamṭhat thuai an beisei tih Sarma chuan a sawi.