Nirmala Sitharaman-i'n Meghalaya tlawh

Union finance minister, Nirmala Sitharaman chuan nimin June 19 khan ni hnih cham turin Meghalaya a thleng a; state hmun hrang hranga infrastructure, agriculture, healthcare leh hmasawnna project a hawn dawn bakah a tlangzarh bawk dawn a ni.

Sitharaman hian hmarchhak biala organic spice processing plant lian ber, Eastern Ri Bhoi Organic Farmer Producer Company din a hawng dawn a, facility hi loneitute leh helai biala organic agriculture sector thuam chakna tura duan a ni. Finance Minister hi Leveraging Externally Aided Projects (EAPs) seminar-ah pawh a tel dawn a, he hunah hian infrastructure leh mipui vantlang hamṭhatna tura hmasawnna hrang hrang sawi ho a ni ang.

Union Minister hi state khawpui Shillong-a U Soso Tham Auditorium-a programme buatsaihah telin he hunah hian sorkar laipui aṭanga puihbawmna project kalpui mekte lawmpuina hun a hman dawn bakah, Rs vbc 1,200 senna hmasawnna hna thawh tur lungphum a phum bawk ang. Ri Bhoi, East Khasi Hills leh West Jaintia Hills district a tlawh dawn a, sorkar laipuiin hmarchhak biala hmasawnna chak zawka kalpuina turin investment sector pawimawh hrang hranga investment neihna tur a tarlang bawk dawn a ni.

Vawiin Inrinni hian Sitharaman chuan Kiang Nangbah Government College zirlaite nen inkawmna hun an hmang dawn a, West Jaintia Hills district-a Khliehtyrshi Primary Health Centre a hawng bawk ang.