Assam : CM-in medical college project endik

Assam chief minister Himanta Biswa Sarma chuan Pathianni, June 21 khan state-a healthcare infrastructure huang zauhna bakah, medical college leh damdawi-in sak mekte a endik. Hemi chungchanga X-a thuchhuah a siamah, Chief Minister chuan project thawh mek 11 hmasawnna leh, medical college leh damdawi-in a hun taka zawh fel a nih theihna tura thlirletna a neih thu a tarlang.

Chief Minister chuan sorkarin healthcare sector thuam chak a ngaih pawimawh thu leh, project thawh mekte a hun taka peih fel a pawimawh thu a sawi. Medical leh nursing infrastructure changtlung bakah, healthcare campus ngelnghet din a ṭul tih sawiin healthcare lam huang zauh chu hun lo awm zel tur atan state mipuiten healthcare ecosystem ngelnghet an neih theihna tur a nih thu a sawi bawk.

State sorkar chuan medical college thar, damdawi-in, nursing institution leh, healthcare infrastructure din thar hmang hian state pumah medical education leh healthcare facility tihpun kawngah hmalakna lian tak a kalpui a ni. Sarma chuan healthcare thuam chak tur leh, state-a mipui vantlang tana health system rintlak a awm theihna turin medical infrastructure dinna tur invesment neih chhoh zel a ni tih a sawi.