Arunachal : NTPC Bongaigaon-in Education Infrastructure Project hawng

NTPC Bongaigaon chuan Corporate Social Responsibility (CSR) programme hnuaiah, Vivekananda Kendra Vidyalaya (VKV), Balijan, Arunachal Pradesh-ah Rs vbc 1.80 senna education infrastructure project a hawng. He project hian science laboratory, library, leh classroom thar panga a huam a, hemi hmang hian helai biala zirlaite zirna lama thiamna leh theihna tihpun tum a ni.

Facility tharte hi MLA Nabam Vivek, 14th Govind Constituency, Arunachal Pradesh chuan a hawng a; he hunah hian additional deputy commissioner (ADC) Takar Rava, NTPC Bongaigaon-a senior official, Sujatha Nayak, Secretary, VKV Balijan bakah zirtirtu, zirlai, nu leh pa, khawtlang mipui leh tualchhung mi pawimawhte a tel.

Facility siam thar hi NTPC Bongaigaon-in zirna in hrang hrang puihbawmna leh CSR hmanga hmasawnna a awm theihna tura hmalakna a kalpui mek zingah a tel a ni. He hmalaknaa pawimawh zingah state-of-the-art science laboratory din pawh telin, hei hian zirlaite chu kut hmanga thil siam chhuah thiamna, practical learning experience bakah thil thar hmuh chhuah kawngah a pui dawn a ni. Heng laboratory-te hian science lam chawikan leh zirlaite zinga STEM education thuam chak kawngah hmun pawimawh tak an chang ngei beisei a ni.

Library facility tihchangtlun chu knowledge resource centre atan hman a ni dawn a, zirlaiten zirna leh a kaihhnawih hrang hrang an dawng thei dawn a ni. Classroom-a zirna leh mahnia inzir thiamna bakah lehkha chhiar tam, research lama thiamna leh finna kawngah hmasawnna chak zawk a pek theih rin a ni bawk. Hei bakah classroom thar panga sak chuan zirlaite tan hmun zau zawk a siam sak dawn a, zirlai inziaklut tihpun kawngah a puih beisei a ni bawk.