LS MP-in brand ambassador atana Karmakar ruat turin ngen

Lok Sabha MP nilai Prasun Banerjee chuan Sports Minister Vijay Goel hnenah, Rio Olympic-a India aiawhtu Dipa Karmakar chu Indian gymnastic brand ambassador atana ruat turin thurawn a pe.

Tripura chhulchhuak Dipa Karmakar hian Rio Summer Olympic-ah India aiawhin, kum 52 hnua Indian gymnast zinga ram aiawha Olympic-a tel leh thei hmasa ber a ni. Dipa hian kum 2014 khan Commonwealth Games, Glasgow-a neihah bronze medal a lo la tawh bawk. Lok Sabha MP Banerjee chuan Karmakar chu Indian gymnastic brand ambassador atana ruat awm ber a nih thu, Union Sports Minister Vijay Goel hnenah hian ziakin a thlen a ni.