Indian Army-te'n AP-ah ULFA-I mi pahnih kap hlum

Indian Army, security force-te chuan Nilainni khan hel pawl United Liberation Front of Asom-Independent (ULFA-I) mi leh sa pahnih Arunachal Pradesh-ah an kap hlum.

ULFA-I mi leh sa Deep Moran leh Noga Moran-te hi Arunachal-a Changlang District-ah kahhlum an ni a, midang paruk - Miss Punki Moran (19), Lakhi Gogoi (26), Pulok Jyoti Mahanta (16), Jintu Gogoi leh Mojeeth Moran-te an man an ni bawk. Hel dap chhuah hna hi Indian Army leh Assam Rifles-te chuan an thawk a, hel te nen hian hun eng emaw chen an inkap a, hel pahnih kahhlum an ni ta a ni. Hel kahhlum leh man tak te hi Dharmapur beihnaah khan an inhnamhnawih nia tarlan a ni a, November 19-a Pengaree-a Indian Army lambunna thlengah khan mawhphurtuah ngaih an ni. Pengaree-a Indian Army lambunna thlengah khan sipai pahnih an thi a ni.

ULFA-I-te hian Assam- Arunachal bor-der-a Tin-sukia leh Chang-lang District-ah te pawi-khawih-na an thlen fo a, Aru-nachal-Myanmer bor-der velah an chetla ṭhin bawk.