Tripura: Jan 16-ah Final Electoral Roll tlangzarh dawn

Tripura final photo electoral roll, January 4-a tlangzarh tura ruahmanna awm chu harsatna eng emaw vanga tihkhawltlai a nih hnuah January 16 hian tlangzarh a ni dawn.

January 16-a tlang­zarh tur hi Election Commi­ssion of India (ECI) pawhin an pawmpui tawh a, hei hi State Election department in a ngenna angin an pawmsak nia sawi a ni bawk.

January 15-a database update anih hnuah final electoral roll hi tlangzarh a ni dawn ta niin CEO Sri­ram Taranikanta chuan Aga­ratala-a press confe­rence-ah a sawi. Draft electoral roll erawh kum liamta, September 8 khan tlangzarh a ni tawh thung a, hetah hian vote thlak thei hming 25,61,040 a awm a ni.

Kumin May thlaa Lok Sabha inthlan neih turah pawh hian final electoral roll an tihchhuah hi rin nghal a ni dawn bawk.