Healthcare infrastructure-ah inthlak danglamna a awm dawn: Assam CM

Assam chief minister Himanta Biswa Sarma chuan nimin Nilaini khan state-a healthcare infrastructure leh medical education thuam chak a nih dawn thu leh, state mipuite healthcare quality ṭha pek an nih theihna turin inthlak danglamna a awm dawn tih a sawi.

Social media-a thuchhuah a siamah, CM Sarma chuan state-a healthcare inthlak danglamna chu damdawi-in sak mai ni loin; healthcare ṭha zawk, medical education leh healthcare workforce tihchangtlun tel a ni dawn a ni, a ti. State-ah medical infrastructure huang zauh a nih thu leh, district hrang hrangah medical college leh damdawi-in eng emaw zat din thar a nih thu a sawi. Rs vbc 8,233 senna tur medical college campus thar 11 sak mek a nih thu leh, damdawi-in paruk chu 80% zawh tawh a nih thu a tarlang bawk.

Damdawi-in panga sak hna pawh thawh mek niin, hemi hnuaiah hian project dang pali thawh belh a ni bawk ang. CM Sarma chuan district tinah healthcare facility leh medical education thuam chak a nih tur thu a sawi. Kum nga liam ta chhungin medical education infrastructure ṭhang nasa ber pawlah an tel tih sawiin, state sorkar chuan district tina medical college dinna tur programme leh MBBS seat tihpun bakah, healthcare institution sak belh tumin hma a la ni, a ti.