AAPSU-te'n AP CM hnenah Memorandum thehlut

17th December, 2016

All Arunachal Pradesh Student Union (AAPSU) president Hawa Bagang leh general secretary Tobom Dai-te chuan Arunachal Pradesh Chief Minister Pema Khandu chu hmuin AAPSU thil phut hrang hrang an thlen.

AAPSU-te hian CM hnenah hian memorandum 17 zet an thehlut a, heng zingah hian zirna kaihhnawih leh thil dang eng emaw zat a tel. AP CM chuan AAPSU hruaitu thlan tharte chu duhsakna lo hlanin, zirlaite ham-
ṭhatna ngaihtuaha hna thawk zel turin a fuih. Khandu chuan memorandum an thehluhte chu ngaihtuah sak a tiam a, a ṭul anga hma lak a nih tur thu a sawi. Chief Minister Khandu chuan SSA hnuaia zirtirtute chu dah nghet tura hma lak mek a nih thu sawiin, Pasighat-ah University din tuma hma lak mek a ni a, infrastructure development atan cheng vaibelchhe 10 ruahman a nih thu All Arunachal Pradesh Student Union (AAPSU) palaite chu a lo hrilh bawk.