Meghalaya : Kum 4 hnuah Bolmoram Adinggre-ah electric supply pe chhuak

Meghalaya-a East Garo Hills district-a Bolmoram Adinggre khuaah kum li dawn electric supply an neih loh hnuah siamṭhat niin electric eng an nei ve leh thei ta.

Tualchhung mite chuan an khuaah hian distribution transformer a chhiat avangin electric hunrei tak an neih tawh loh thu leh, hei hian chhungkaw 30 aṭanga 40 vel a nghawng a, ni tlak hnuah eng nei turin ruahmanna dang an siam a ngai ṭhin tih an sawi. He khua hi Nongalbibra circle hnuaia awm a ni a, state sorkarin FEDCO hnena contract a pek distribution arrangement hnuaia awm an ni. Mipuite chuan kum tam tak transformer chhia thlak turin ngenna an lo siam tawh a, Distribution Franchise operator hmasa hnenah pawh he thu hi an thlen tawh tih an sawi.

Ngenna vawi tam tak an siam hnuah pawh transformer chu siamṭhat lohin a awm zui zela, hun rei tak power supply nei loa an awm avangin nitin khawsakah harsatna nasa tak an tawk tih an sawi. Nongalbibra circle-a distribution arrangement SAI Computers Limited-in an enkawl hnuah tun hun hi an thleng thei ta tih an sawi bawk. Company aiawh pakhat chuan harsatna an tawh mek chu company-in uluk taka thlithlaiin, electrical infrastructure dinhmun endik turin survey an neih thu a tarlang.

Technical work an zawhfel hnuah transformer thar chu hman nghal theiha dah niin, Bolmoram Adinggre-ah hian June 19 khan power supply pek chhuah a ni ta a ni. Transformer thar thlak a nih avangin mipuiten lawmthu an sawi a, naupang leh zirlaite dinhmun pawh a ṭhat phah dawn tih an sawi.