Meghalaya : Special Intensive Revision kalpui ṭan

Meghalaya-ah nimin June 30 aṭang khan electoral roll endikna, Special Intensive Revision chu kalpui ṭan niin, Booth Level Officers (BLOs) te chuan thla khat chhung door-to-door verification drive an kalpui nghal bawk.

July 29 thlenga neih chhunzawm tur SIR hi Election Commission-in hma huna inthlan awm tur neih hmaa electoral roll dik leh tihsual awm lohna tura ram pum huapa hmalakna a kalpui mek zinga mi a ni. Hemi hun chhung hian BLO-te chuan Assembly bial 60-a chenna in tin an tlawh dawn a, voter-te hnenah hian self-enumeration form an sem chhuak dawn a ni.

Election official-te chuan SIR hi voter-te chanchin kimchang, tihdik ngai lai siamṭhat leh vote nei theite electoral roll-a dah an nih ngei theihna tura hmalakna ni tih an sawi. East Khasi Hills deputy commissioner Abhilash Baranwal chuan mipuite chu he hmalakna thlawp ṭha turin a ngen. Special Intensive Revision-in a tum ber chu vote nei theite electoral roll-a dah luh a ni tih Baranwal chuan a sawi a, official-te pawhin mipuite chu document pawimawh nen inring reng turin an chah a, self-enumeration form pawh a hun taka theh lut turin an ngen bawk.