Manipur : PREPAK cadre 3 man

Manipur police-te chuan dan pawna hnawl, PREPAK cadre pathum chu Imphal East leh Imphal West district-a chenna in hand grenade hmanga an beih avangin June 29 khan an man tih official-ten an sawi.

Heng mite hi Imphal East district-a chenna in grenade hmanga beih a nih avanga Porompat Police Station-a FIR theh luh bawhzuinaah man an ni. An mi mante hi Rohit Meitei (24), Salam Yaiphaba (20) leh kum tling lo pakhat an ni. Police-te chuan hand grenade panga hmangin Imphal East district leh Imphal West district-a chenna in hrang hrang an bei a, an kut aṭangin grenade pakhat an man tih an sawi bawk.

Hemi ni vek hian Manipur police-te chuan ralthuam leh a kaihhnawih ṭhahnem tak Sagolmang Police Station hnuai Sanjenlok huam chhungah an man bawk a ni. Ralthuam an man zingah hian AK rifle pakhat, 9 mm pistol, SLR tube launcher pahnih leh a dang eng emaw zat an tel. Police-te chuan chhuizuina neih chhunzawm zel a ni tih an tarlang.