NSCN(IM)-te'n taxi driver ruk bo chhanchhuak

Nagaland-a hel pawl National Socialist Council of Nagalim (IM)-te chuan car rawk ṭhintuten an rukbo taxi driver chu an chhanchhuak niin Inrinni khan an sawi. Car pawh hi Dimapur-ah hmuh a nih thu tarlan a ni bawk.

NSCN (IM) Union Territory (UT) Secretary Ghokuto Chisi-a'n thuchhuah a siamah driver hi chhanchhuah a ni bakah a car pawh Dimapur aṭanga mel hnih leh a chanve velah December 30 khan hmuh a nih thu a sawi.

A rubotu zinga mi pakhat hi chu  Assam-a Karimganj district-a  Darakona mi, Kasherkapam anih thu tarlan niin man a nih thu tarlan a ni bawk. Hetihlai hian he pawikhawihnaa a bultumtu bera ngaih chu a tlanbo nia tarlan a ni thung.