World-class sports infrastructure din tum a ni : Nagaland CM

Nagaland chief minister Neiphiu Rio chuan Zirtawpni, July 3 khan state sorkarin hun rei tak hmathlir a lo neih tawh, world-class sports infrastructure din leh training facility changtlung siam tum a nih thu sawiin, ramchhung leh rampawnah infiammite chawikan tum a ni, a ti.

CM Rio chuan he thu hi state hmun hrang hranga sports infrastructure project 16 virtual-a a hawnnaah a sawi a, sorkar chuan ramdanga sports facility ṭha ber ber tlukpui a din dawn tih a sawi. Hawnna programme-ah hian union youth affairs and sports minister Mansukh Mandaviya, deputy chief minister Yanthungo Patton leh official dangte an tel.

Infiamna sector ṭhang lian zel chungchang sawilangin, CM chuan sports infrastructure din piah lamah industry changtlung chuan hnathawh tur a siam dawn a, ṭhalaite tan hun remchang a inhawng dawn tih a tarlang. Sports culture thuam chak chuan coach leh trainer-te a pui dawn a, an thiam leh theihna zau zawka pholan bakah, state hma huna infiamna lam tihhmasawn zelna atan a pawimawh tih a sawi bawk.

CM-in proejct 16 a hawn zinga pali hi Khelo India hmalakna hnuaia mi niin, a baka 12-te chu state-sponsore a ni. Union minister Mandaviya pawhin sorkar laipuiin hmarchhak bial ṭhalai leh infiammite thuam chak a, hmarchhial bial chu sports hub-a siam tura hmathlir a nei thu pawh X-ah a tarlang a ni.