Manipur : Amit Shah-a'n venhimna dinhmun endik

Union home minister Amit Shah chuan Inrinni, July 4 khan Delhi-ah state senior official-te nen Manipur-a venhimna dinhmun an endik a, chief minister Yumnam Khemchand Singh pawh Imphal aṭangin virtual hmangin a tel bawk a ni.

State sorkar hnuaia security adviser, Kuldiep tih loh, police director-general Mukesh Singh, director-general of military operations (DGMO) Abhijit S. Pendharkar leh, Assam Rifles D-G, Central Reserve Police Force (CRPF), Border Security Force (BSF), leh senior officer dangte chuan meeting-ah hian state-a venhimna kalpui dan kimchang takin presentation an nei.

Meeting chungchangah hian Ministry of Home Affairs (MHA) chuan official in thuchhuah a la nei lo a, sorkar thuchhuak chuan meeting-ah hian Kuki leh Naga hnam inkara buaina awm mek chungchang an sawi ho niin an tarlang. State-a Presidents' rule hlih a nih a, mipui sorkar din leh a nih aṭangin kumin February 4 thleng khan mi 40 vel buaina chhuakah an thi tawh a ni.

Amit Shah hian India-Myanmar ramri km 1,643 a thui hung hna thawh meka hmasawnna chu lawmawm a tih thu a sawi. Ramri hung hna hi km 50 thawh zawh tawh a ni. Sorkar laipui chuan kum 2024 khan ramri hungna tur hian Rs vbc 31,000 a lo sanction tawh a ni. Meeting-ah hian Myanmar aṭanga raltlanten police ralthuam leh a kaihhnawih an ruk chungchang pawh sawilan a ni bawk.