Arunachal : Indus Towers-in tuilian tuarte ṭanpuina pe

Arunachal Pradesh hmun hrang hranga tuilian leh leimin tuarte chhawmdawlna atan, khawvela telecom infrastructure company lian ber Indus Towers chuan ṭanpuina a pe. Ṭanpuina hi Keyi Panyor district-a Yachuli khuaa chhungkua harsatna tawkte hnenah sem chhuah a ni.

An flagship hnuaia Corporate Social Responsibility (CSR) hmalakna, Pragati tih hmangin company chuan relief kit 330 a sem chhuak a, heng zingah hian hriselna atana pawimawh thil hrang hrang, thawmhnaw, damdawi leh tuilian leh leimin avanga harsatna tawkten an hman ṭangkai tur bungruate an tel. Hmeichhia, naupang leh kum upa bakah chenna in chhuahsan ngaite ngaih pawimawh zual an ni bawk.

Ṭanpuina sem chhuahnaah hian Indus Towers aiawhte leh tualchhung official-te an tel a, khuarel chhiatna avanga harsatna tawkte a hun taka chhawmdawl a pawimawh thu an sawi. Company chuan tualchhung thuneitute leh stakeholder-te nen thawh hona ṭha tak an nei chhunzawm zel dawn a, tuilianin a nghawng bialte chhawmdawl leh chhan chhuah kawnga hmalaknate chu an thlawp chhunzawm zel dawn tih Gurung chuan a sawi a ni.