Tripura : Ni 3 chhung ruah nasa tak a sur dawn

Indian Meteorological Department (IMD) chuan nimin khan Tripura state pumah ni thum chhung ruah nasa tak a sur dawn tih puangin, district paliah Orange warning a tichhuak bawk. Hemi hun chhung hian mipuite chu inralring turin an hriattir bawk.

IMD Agartala Meteorological Centre chuan, West Tripura, Khowai, Dhalai leh Gomati district-ah Orange alert hi a puang a, district dangah yellow warning a puang bawk a ni. Weather office chuan district pariatah vawiin atan hian yellow warning a puang bawk a, July 10 hian West Tripura, Khowai, Sepahijala, Gomati leh South Tripura district-ah ruah nasa tak a sur dawn tih a puang bawk.

State-ah hian darkar 24 liam ta khan ruah nasa tak a sur tawh bawk. Dhalai district-a Chawmanu ah ruah tui tla hi mm 139.2 a tling a, Lembucherra-ah mm 105.5 a tla bawk. IMD chuan leimin hlauhthawnawma cheng mipuite chu fimkhur tur leh chhiatna thleng thei laka inralring turin an chah bawk a ni.